گلوبدور شوره شبنملن ايکي پيمانه يا زهرا
خمار باده ي نابم هاني ميخانه يا زهرا
مبارک اسمون اسرار تجلاي حقيقتدي
مثال شمعدور آدون جهان پروانه يا زهرا
بئله يانام سنون عشقونده اي مظلوم اولان معصوم
که قويسون آديمي دنيا منيم ديوانه يا زهرا
دمادم سسلدون دلدن اميرالمؤمنين حيدر
علياً حجة اللهي دئدون مردانه يا زهرا
سنون آيات برهانون هويدادور طبيعتده
يقين کُردور سنه هر کيم دئسه افسانه يا زهرا
نه تنها مصطفي حتي عليده اللرون اوپدي
دييردي پنج تن ايچره بيزه دردانه يا زهرا
سماوات و زمينده ماخلق دوشسه آغير درده
گللّر ديلده «يا زهرا» هامي درمانه يا زهرا
سنون مِهرون بولوددور که ياغور هر دم بو گوزلردن
منيم قربان اولا جانيم بئله بارانه يا زهرا
تقاضا ايتمه ميش، فورا کرامت گورموشم سندن
فقيرانه ايدورسن سن کرم شاهانه يا زهرا
دليل لطف شايانون منه عشق حسين اولدي
حسينه يانميان سنلن اولار بيگانه يا زهرا
شرافت سيز جماعت توکدي قانون حيدره خاطر
او مظلوم قان باتار؟ باتماز قسم قرآنه يا زهرا
او که غصب ايلدي حقون يقينا نسل شيطاندي
الي الحسرت اولا لعنت بوتون شيطانه يا زهرا
سنون اول درگهون که مهبط نوريدي گوگلردن
رجا درگاهيدور خلقه اگر چه يانه يا زهرا
عجب غمخانه دور دنيا نواي آشنا گلدي
عليدور بو دل شبده گلوب افغانه يا زهرا
اگر چه چوخ غريبم سن ولي آسوده خاطر يات
شکسته پر کبوتر تک گلوبسن جانه يا زهرا
حلال ايله مني آخر اليمده اولمادي چاره
گوزون هم سينون هم قلبون دونوبدور قانه يا زهرا
اکبر پورآقا
درباره این سایت