رحمت حق، حق دانيشان دللره
هم آتالار هم آنالار يکسره
چوخ سوزي تاپشيرديلار اولادينه
باخماديلار مدرک و اسنادينه
بيزلره تاپشيرديلار اول پاک لر
خاکه گيئدن راهي افلاک لر
فاطمه اولادينه حرمت قيلون
حرمت ساداته هميت قيلون
واردي روايت، سندي معتبر
سينه به سينه دولانور بو خبر
فاطمه اولادينه حرمت ايئدن
اجرين آلار ام ابيهائيدن
صاحب الطاف و ذوالاحترام
فاطمه دور فاطمه دور والسلام
شامل حق رحمتيدور اهل قم
جنته هم رتبه اولوب شهر قم
تا که گلوب فاطمه آيينه سي
شهر قما حضرت معصومه سي
مردم قم حرمت ايدوبلر اونا
مفخر اولوبدور اودي قم ايرانا
مفخر ايران نه، که بلکه جهان
مفخر دنيائيله هفت آسمان
مردم قم ايلدي بير شاهکار
بو عمل و فعليده بير نکته وار:
قدر بيلر گوهريلر گوهري
دوز سود اَمن عشقه اولار مشتري
فاطمه آدلي اولان اشخاص لر
فاطميه راجع اولان پاک لر
گلسه اگر شهريميزه ميهمان
بذل ايدروک مقدمينه هامّي جان
چون بيليروک مظهر سلم و سلام
فاطمه دور فاطمه دور والسلام
گوزلري يولدا قالان افغان ايدر
قلب ايويني ، غصه لري قان ايدر
خانه ي احساسي اولان داغ کيمي
شخصه، نه ايتسه غم هجران ايدر
چاره ي هجران فقط وصليدور
وصل هامي غملري درمان ايدر
آيريليقي قاتما فلک غربته
چون غم و اندوهي دوچندان ايدر
کيم اوزاق اولسا رخ دلداريدن
گوزلريني يوللارا قربان ايدر
يولدا قالان گوزلرينون اشکيني
خرمن احساسينه باران ايدر
منتظرونده چوخ اولار نسگيلي
خاک رهي سرمه ي مژگان ايدر
اولسا اوزاق شهريده گر قارداشي
خواهر رنجيده ني گريان ايدر
قلبي دولاندا غم هجرانيدن
تيز يوزوني سمت خراسان ايدر
عرض ايلير دربه درم يا رضا
خواهر خونين جگرم يا رضا
شاعر: اکبر پورآقا
درباره این سایت