يتيشدي کاروان غم گنه دشت بلايه
گلوبلر اربعين شاه عطشاندا عزايه
حسينيم واي نواسي دولوبدور نينوايه
گلوب دلخسته زينب گنه کرب و بلايه
آخور گوز ياشي، سوسوز قارداشي
دوشوبدور ياده آغلور
گوزل ياريني، علمداريني
کنار علقم اوخشور
---
نجه گوگدن ياغار رحمت بولود لبريز اولاندا
نجه وصله يتر معشوق شور انگيز اولاندا
نجه ياپراق آغاشلاردان قوپار پاييز اولاندا
اوجور محمللرين اوستن پريشانلار توکولدي
قورولدي مجلس غم قامت عالم بوکولدي
حسينيم واي نواسي دولوبدور نينوايه
گلوب دلخسته زينب گنه کرب و بلايه
آخور گوز ياشي، سوسوز قارداشي
دوشبدور ياده آغلور
گوزل ياريني علمداريني
کنار علقم اوخشور
---
بيري سسلور علي اکبر اويان تازه جوانيم
بيري سسلوردي قاسم هارداسان اي نوجوانيم
بيري اوخشوردي هاردا قالدي قولسوز قهرمانيم
بشيک الده يانوردي گورديلر بير دلکبابي
ديور بيچاره قويدون اي علي اصغر ربابي
بالا قرخ گوندي هر دم، غم اوستوندن گلور غم
يتيشديم گيتمرم تا، قالاخ بو چولده با هم
سني اوخشارام، سنه آغلارام
سوسوز طرلانيم اصغر
سينه داغلارام، دييب آغلارام
سوسوز قربانيم اصغر
شعر: اکبر پورآقا
سبک: خدايا عاشقان را عجب م يارادون کربلاده
التماس دعا
درباره این سایت